Эрхэмсэг хатагтай /ноён/ танд энэ өдрийн мэндийг хүргэе.

Манай компани анх 2017 онд бахархалт өв соёл, бахдаж ханашгүй өвөрмөц ахуй уламжлалаа уран зурагт дүрслэн буулгасан Ялгуун брэндийн торгон алчуурны шинэ коллекцио та бүхнийхээ эрхэм таалалд зориулан бүтээсэн билээ.

Тэр цагаас хойш бид бүхэн урын сан, бүтээлийн хөмрөгөө улирал бүр, жилээс жилд улам баяжуулан хөгжүүлж дэлхийн монгол брэндийг бүтээх эрхэм зорилгодоо өдөр бүр дөтлөн ойртсоор байна.

Эмэгтэй хүн бүр гоёх эрхтэй. Гоёл нь зохисон эмэгтэй хүн гоо сайхан, төгс эрхэмсэг харагдахын зэрэгцээ өөртөө бүрэн итгэлтэй байж чаддаг. Тийм ч учраас бид эмэгтэй хүн бүрт баяр хөөр, итгэл найдвар, гоо үзэмж бэлэглэдэг энэхүү бизнесээ улам өргөтгөж ирээдүйд хийц чанар, хээнцэр чамин байдал, харц булааж сэтгэл бадраах Ялгуун брэндийн нэр төрлөө улам нэмэгдүүлж ойрын үед олон улсын зах зээлд хөл тавих  мөрөөдлөө бодит биелэл болгохоор хичээн зүтгэж байна.

Өөрчлөлтөд үргэлж дурлагч, өдөр тутам шинийг эрэлхийлэгч хэн бүхний хэрэгцээ шаардлага, хээнцэр тансаг харагдах хүсэл сонирхолд бүрэн нийцсэн бүтээгдэхүүн үйлдвэрлэхийн тулд СУДАЛГАА-СУРГАЛТ-ҮЙЛДВЭРЛЭЛ-ТЕХНОЛОГИЙН YALGUUN PARK-ыг байгуулж буйгаа дуулгахад таатай байна.

Эгэл жирийн нэгэнд ч энгүй тансагийг бэлэглэж, монгол брэндийн үнэ цэн, өрсөлдөх чадварыг дэлхийд таниулах бидний ирээдүйн аялалд эрхэм хэрэглэгч та итгэлт түнш минь байна гэдэгт огтхон ч эргэлзэхгүй байна.